الرئيسيةالرئيسية  مكتبة الصورمكتبة الصور  بحـثبحـث  التسجيلالتسجيل  دخولدخول  



    منتديات عرباوى | افلام عربيه | افلام اجنبيه | اغانى | كليبات | برامج | العاب | صور| موبايل .... :: » الاقسام العامه « :: القسم العام

شاطر | 
 

 سيد ابو حفيظة بيدور على شغل - حوار مع مواطن مصرى

استعرض الموضوع السابق استعرض الموضوع التالي اذهب الى الأسفل 
كاتب الموضوعمحتوى الموضوع

The MasTer

avatar

الاداره العامه



مساهماتى : 5714

عمري : 27

التقييم : 88

مجموع النقاط : 30424

نوعـي : ذكر

موطنى : مصر

هواياتى : الرياضه

مزاجى : عادى





http://arabawy.bestgoo.com

مُساهمةموضوع: سيد ابو حفيظة بيدور على شغل - حوار مع مواطن مصرى   الجمعة يناير 01, 2010 1:59 am

ودارت الأيام، ومرت الأيام، وترك الإعلامى الأشهر سيد أبو حفيظة الحقل الإعلامى، بعدما اكتشف أن الحقل السليم فى الجسم السليم، ، وحتى لا تحدث مشكلات طالب بحقل الدماء، ، خاصة بعدما اكتشف أن كل حقول مصر يتم ريها بمياه الصرف الصحى، رغم ارتفاع أسعار الصرف، ه، اعترض فى البداية على تسميته بالصحى رغم تسببه فى الكثير من الأمراض، وحين لم يوافق المسئولون على تغيير الاسم إلى الصرف غير الصحى، نقحت عليه أمانة الكلمة، وقدم استقالته على ورقة بردى، فقالوا له: كده بردى يا سيد؟، ، وقبلوها، ومن يومها يا حبة عين والدته وهو يتلطم فى مهن مختلفة، لكن الكاميرا ظلت ترصده فى كل منها، لتكشف الحقائق لجمهوره الغفير، غفير العمدة، ، ما هو أول قرار اتخذه بعد توليه مهام كل مهنة، وأغرب موقف تعرض له فيها وكيف خرج منه، ولماذا قرر أن يتركها، والمهنة التى حلم بأن يعمل فيها بعدها؟


سيد أبوحفيظة سائق توك توك

أول قرار خدته؟

إنى أعمل «توك توك شو» اشمعنى كبار الإعلاميين عاملين «توك شو» فقلت أبدأ من حيث انتهى الآخرون، فقررت أعمل «توك توك شو» أناقش من خلاله هموم الغلابة اللى بيركبوا معايا ومش لاقيين حد يتكلم عنهم.

أغرب موقف اتحطيت فيه وخرجت منه إزاى؟
لما ركب معايا أحد المسئولين وقاللى: القطامية هايتس وحياة أبوك يا أسطى، وخرجت من الموقف ده بأنى عملت نفسى ماسمعتش كويس ورحت طالع بيه على عشوائيات الدويقة فى التلاتات فوق، عند ورشة أشرف بتاع الردياتير لاقيته بيقولى: إيه ده!! الحتة دى عندنا فى مصر قلت له: لأ، الحتة دى عندنا إحنا فى مصر.

ليه قررت تسيب المهنة دى؟
عشان التوك توك ولا مؤاخذة مافيهوش مارشدير، يعنى ما بيرجعش لورا، وأعتقد إن ده الحاجة الوحيدة فى مصر اللى ما بترجعش لورا وبعدين لحد دلوقتى مش راضيين يعترفوا بيه ويطلعوا له تراخيص، وأنا بصراحة أحب أمشى فى السليم ولا مؤاخذة.

طب دلوقتى إيه أكتر شغلانة نفسك تشتغلها؟
نفسى يبقى ليا كلمة، نفسى لما أتكلم أتسمع، أنا بقالى سنين بتكلم، تقولش أخرس، ولا كلمة طلعت من بقى وحسيت إنها وصلت لحد أو حد حس بيها، بصراحة كده أنا نفسى أبقى مسئول كبير.

طب دلوقتى إيه أكتر شغلانة نفسك تشتغلها؟
نفسى أحقق حلم كل المصريين فى الوصول لكأس العالم نفسى بصراحة أدرب منتخب مصر لكرة القدم.

سيد أبوحفيظة مدرب منتخب كرة القدم


أول قرار خدته؟

أولا: سرّحت اللاعيبة الحالية للمنتخب وجبت شوية شباب من على الفيس بوك وبدأت أشتغل عليهم من أول وجديد لإن العيال بتوع الفيس بوك اللى فاهمة فى التكنولوجيا دى أكيد هما أمل مصر الوحيد.
ثانيا: بما إنى مابفهمش فى الكورة بدأت أدربهم من الباطن، بمعنى إنى استعنت بأبويا بما إنه كان لاعب سابق بنادى الزمالك ومدرب مخضرم ففهمت منه الليلة بتمشى إزاى ووقفت أنا أزعق وأشخط فى اللعيبة، وأردد الجمل اللى قالها لى أبويا بالظبط عشان ماتكشفش.

أغرب موقف اتحطيت فيه وخرجت منه ازاى؟
إنى بعد ما جبت الشباب دى اكتشفت إنهم كلهم رجليهم الاتنين شمال، فكانوا بيقعدوا يلفوا حوالين نفسهم وما بيعرفوش يجروا لقدام، وفى الآخر بيدوخوا ويرجعوا ويقعوا على الأرض، وخرجت من الموقف ده بإنى أقنعتهم إنى أدربهم باليه مائى وهما وافقوا وعملت فريق راس البر كله كان بيتكلم عنه، انزل إنت بس راس البر وقول «فراشات مصر» ألف من «يبلك».

طب ما إنت كنت ماشى كويس أهوه.. ليه قررت تسيب المهنة دى؟
لأنى حسيت إنى بدأت أشكل خطورة على حلم كل مصرى نفسه نوصل لكأس العالم وبعدين بصراحة حسيت إن وجودى مأثر على نفسية الكابتن/ حسن شحاتة فكلمته وقولتله ربنا ما يجعلنا قطاعين أرزاق، من بكرة تيجى يا كابتن تشوف منتخبك وشدوا حيلكوا يا رجالة وقفلت التليفون وقعدت أعيط لوحدى. "كلنا يا عم سيد قفلنا كل التليفونات وقعدنا نعيط جنب الحيط على كرامتنا أولا وعلى الخسارة ثانيا"


سيد أبوحفيظة وزير داخلية


أول قرار خدته؟

لأ، مقصدش كبير أوى كده، لكن لو فرضنا، هاعمل اجتماع كبير أوى أوى فى أى حتة أرض فاضية من بتوع التجمع الخامس لكل اللى اسمهم «طارق» فى البلد عشان نشوف حل فى قانون «الطوارئ».

أغرب موقف اتحطيت فيه وخرجت منه إزاى؟
إن الاجتماع متعملش، لأنهم قالوا لنا إن اجتماع أكتر من 3 أشخاص يبقى «تجمهر» ولازم موافقة أمنية، وخرجت من الموقف ده بأنى أخدت 3 «طارق» منهم وقعدت بيهم فى البيت عندى، بس المدام قالتلى إن اجتماع أكتر من 3 أشخاص عندى محتاج «جبن فى التلاجة» فأخدتهم ونزلنا قعدنا على قهوة السوايسة فى الكوربة.

ليه قررت تسيب المهنة دى؟
عشان أنا والـ 3 «طارق» معرفناش نوصل لحل.

طب دلوقتى إيه أكتر شغلانة نفسك تشتغلها؟
نفسى أبقى مدير لأكبر فئة موجودة فى مصر، بصراحة نفسى أبقى مدير مستشفى المجانين.

سيد أبوحفيظة مدير مستشفى المجانين


أول قرار خدته؟
قدمت طلب علشان آخد قطعة أرض مساحتها 2 مليون متر مربع عشان ابنى عليها مستشفى مجانين جديدة تستوعب كل المختلين عقليا اللى بيحرقوا القطارات والمسارح ويوقعوا العمارات فوق أهلها ويغرقوا العبارات ويستوردوا قمح فاسد ويستغلوا فى الغلابة.

أغرب موقف اتحطيت فيه وخرجت منه إزاى؟
إن المستشفى مكفتش عدد الناس دى، وخرجت من الموقف ده بإنى أصدرت قرار إننا نقول إننا محتاجين 10 أضعاف المساحة دى.

ليه قررت تسيب المهنة دى؟
لأنى بدأت وأنا نايم أعض لسانى وبدأت وأنا صاحى تنزل رغاوى بيضا من بقى، فحسيت إنى لو كملت هاتجن.

طب دلوقتى إيه أكتر شغلانة نفسك تشتغلها؟
نفسى أشتغل فطاطرى باب وشباك.

سيد أبوحفيظة فطاطرى


أول قرار خدته؟

إنى أطبق مبدأ الشفافية مع زباينى وأبطل «لت وعجن» طول ما أنا واقف لأن الطريقة دى «بيتزات» بتخلى الزباين تقعد «تتفرد» وتتنى عليك وأنا بطبيعتى ماليش فى اللى بيتنى بصراحة.

أغرب موقف اتحطيت فيه وخرجت منه إزاى؟
أغرب موقف إنى أول يوم فى افتتاح المحل جالى زبون طلب فطيرة باللحمة قولت له لا والله مابجبش لحمة عشان أنفلونزا الخنازير، قالى طب اعملهالى بالفراخ قولت له لا والله مابجبش فراخ عشان أنفلونزا الطيور، قالى طب اعملهالى بالتونة قولت له لا والله مابجبش أسماك خالص عشان بتتربى فى مزارع فيها ميه الصرف الصحى، قالى طب اعملهالى بالخضار قولت له لا والله مابجبش خضار عشان مرشوش، قاللى أومال إنت فاتح ليه؟، قولت له عشان أشوف وشك السمح ده.

ليه قررت تسيب المهنة دى؟
عشان ضغط الشغل كان كتير أوى بعد كل اللى قولته ده.

طب دلوقتى إيه أكتر شغلانة نفسك تشتغلها؟
نفسى الناس ما تحسش بألم علشان كده نفسى أشتغل طبيب تخدير.

سيد أبوحفيظة طبيب تخدير


أول قرار خدته؟

إنى منعت «البنج» من المستشفيات لإن الناس بتيجى متخدرة لوحدها، بس مدير المستشفى اعترض وقاللى: «ماينفعش مستشفى ميبقاش فيها بنج»، رحت جايب مضربين «بنج»، وحاططهم فى الدولاب عشان لو مدير المستشفى جه يمر، واهو برضه رياضة، لو مفيش عمليات ألسع د/ حسام بتاع النسا والولادة جيمين بنج فى السريع وأعلمه الأدب.

أغرب موقف اتحطيت فيه وخرجت منه إزاى؟
أغرب موقف لما جالى واحد لسه خسران فلوسه كلها فى البورصة وقاللى عايز أركب دعامات فى القلب وقولت له إننا مابنديش بنج، قاللى مش مشكله الهم اللى الواحد شايفه مبنجنا خلقة، وصلناه على جهاز رسم القلب، لاقينا شاشة الجهاز مكتوب عليها، هبوط حاد لمؤشر داون جونز!!

ليه قررت تسيب المهنة دى؟
د/ حسام قعد 4 شهور يغلبنى متواصل، ومقدرتش استحمل الوضع.


طب دلوقتى إيه أكتر شغلانة نفسك تشتغلها؟
نفسى أشتغل مندوب مبيعات مسحوق غسيل.

سيد أبوحفيظة مندوب مبيعات مسحوق غسيل


أول قرار خدته؟


أنضف البلد.

أغرب موقف اتحطيت فيه وخرجت منه إزاى؟


وأنا بنضفها لاقيت للأسف بقع ما بتطلعش ومترسخة فى نسيجنا وعايزة القذارة تفضل موجودة عندنا للأبد، قولت أحط زهرة عشان تبيض اللى تقدر عليه، قطفوا الزهرة ورموها على الأرض وداسوا عليها كمان، فقولت يبقى مفيش حل غير إنى أوجه رسالة لكل «نظيف» استحلفه فيها إنه يطهر المكان اللى هوه فيه عشان نعرف نعيش وإحنا أنضف.

ليه قررت تسيب المهنة دى؟

عشان اكتشفت إن مفيش مسحوق غسيل ههيعمل حاجة لوحده. لازم نية النضافة تكون موجودة الأول.

طب دلوقتى إيه أكتر شغلانة نفسك تشتغلها؟


نفسى اشتغل مطرب شعبى زى الأستاذ شعبان عبد الرحيم والأستاذ سعد الصغنطط والأستاذ بعرور وأشتهر وأحيى أفراح فوق السطوح عشان أفرح الناس الغلابة.

سيد أبوحفيظة مطرب شعبى


أول قرار خدته؟



إنى أعيد توزيع كل أغانى المرحوم «مايكل جاكسون، نجم البوب الأمريكى» وأعبيها فى شريط ينزل السوق باسم «سيد أبوحفيظة، نجم البوب كورن المصرى» ويبقى اسمه «يا ما دقت عالراس طبول».

أغرب موقف اتحطيت فيه وخرجت منه إزاى؟


كانت الغنوة كلماتها بتقول:
ياما دقت على راسنا طبول والفاعل خلوه مجهول والمسئول وبقدرة قادر فى ثوانى بقى مش مسئول
ياما وقعت على راسنا بيوت والعبارة فى بطن الحوت
والمسئول لقى لندن بايخة راح نازل فورا بيروت
ياما غرقم فى بحورنا شباب والمسئول علشان كداب
راح قايل ما هى مش شرعية والموت مش محتاج أسباب
ياما نفسى أشوفك مبسوطة مايرشوش لا خيار ولا قوطة
و مفيش تانى غاز يتصدر ويروح لـ ولاد «الـ ......».
بس الرقابة ما وافقتش على الشريط ده واعترضت على كلمة «قوطة» قلتلهم اشمعنى الكلمة دى قالولى عشان ممكن تتفهم إنك بتتريأ على المواطن اللى طافح «القوطة»، قلت يبقى مفيش قدامى «خيار» تانى وقمت عامل حفلة على المسرح الرومانى بمارينا وغنيت الأغنية فيه وعملت اللى فى دماغى برضه.

طب ليه قررت تسيب المهنة دى؟

لإنى لاقيت «تامر حسنى» كان متفق مع مايكل الله يرحمه أنه هيعيد توزيع أغانيه، فقولت فى عقل بالى انسحب ياد يا سيد بهدوء وخليك ذكى وماتخسرش جيل كامل.

طب دلوقتى إيه أكتر شغلانة نفسك تشتغلها؟

نفسى أبقى زى «بيل جيتس» ميكانيكى كمبيوترات رجالى

سيد أبوحفيظة مهندس كمبيوتر


أول قرار خدته؟

إنى أفيرس الفيس بوك جروب بتاع جورج بوش عشان ميعرفش يفتحه ولا يعمل add لحد ويموت بحسرته، وبعتله فيروس بنى برباط مقاس 44.


أغرب موقف اتحطيت فيه وخرجت منه إزاى؟

إنى لاقيته حاطط «أنتى فيروس» رحت باعتله ماسدج قولتله فيه وإيه يعنى ما أنا كمان «أنتى» فيروس، مش إنت لوحدك اللى «أنتك».

ليه قررت تسيب المهنة دى:

علشان الأمريكان بعد الرسالة اللى بعتها لجورج كهربولى البروسيسور وربطونى من رجلى بكابل الداتا وربطوا الكابل فى توك توك ونزل على التيتر أغنية «الهارد لو عطشااااااااانة».

طب دلوقتى إيه أكتر شغلانة نفسك تشتغلها؟

نفسى التحم مع الناس أكتر وأتواجد فى أضيق مكان فيه أكبر عدد من الناس فى وقت واحد، بصراحة نفسى أبقى محصل فى أتوبيس نقل عام.

طب دلوقتى إيه أكتر شغلانة نفسك تشتغلها؟

نفسى أقعد فى بيتنا كافى خيرى شرى وأتابع مصر من البلكونة. وكل سنة وإنتوا طيبين،





 
الموضوع الاصلى : سيد ابو حفيظة بيدور على شغل - حوار مع مواطن مصرى      المصدر : منتديات عرباوى     الكاتب : The MasTer


الرجوع الى أعلى الصفحة اذهب الى الأسفل

The MasTer

avatar

الاداره العامه



مساهماتى : 5714

عمري : 27

التقييم : 88

مجموع النقاط : 30424

نوعـي : ذكر

موطنى : مصر

هواياتى : الرياضه

مزاجى : عادى





http://arabawy.bestgoo.com

مُساهمةموضوع: رد: سيد ابو حفيظة بيدور على شغل - حوار مع مواطن مصرى   الأربعاء أبريل 07, 2010 8:19 pm

بسم الله الرحمن الرحيم

تمت مراجعه هذا الموضوع وتأكدنا من عدم مخالفته لقوانين منتديات عرباوى

مع تحيات

منتديات عرباوى

( the master )





 
الموضوع الاصلى : سيد ابو حفيظة بيدور على شغل - حوار مع مواطن مصرى      المصدر : منتديات عرباوى     الكاتب : The MasTer


الرجوع الى أعلى الصفحة اذهب الى الأسفل
 

سيد ابو حفيظة بيدور على شغل - حوار مع مواطن مصرى

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

تذكر قول الله تعالى ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ )


صلاحيات هذا المنتدى:لاتستطيع الرد على المواضيع في هذا المنتدى
منتديات عرباوى | افلام عربيه | افلام اجنبيه | اغانى | كليبات | برامج | العاب | صور| موبايل .... :: » الاقسام العامه « :: القسم العام-
القسم الإسلامى - مواضيع اسلامية - الركن الاسلامى | مالتى ميديا اسلاميه - تلاوات قرأنية - تسجيلات اسلامية | التاريخ الاسلامى - الدولة الاسلامية - تاريخ الاسلاميين | القسم الاسلامى العام - مواضيع اسلاميه عامة | القسم العام - المواضيع العامة - ركن المواضيع العامة | قسم الترحيب والمناسبات - اهلا بكم - مناسبات عامة | اضحك كركر - مواقف وطرائف - نكت وفوازير - العاب كتابية | أقسام المرأة - ركن المرأة - لكى سيدتى - المرأة والمجتمع | مطبخ حروف - كتب الطبخ - اشهى المأكولات - تعليم الطبخ | الامومه والطفوله - لكى ولطفلك - التربيه الصحيحه للابناء | الازياء والموضه - ازياء 2013 - موضة 2013 - احدث موضة | الرشاقه والجمال - ادوات التجميل - الحفاظ على البشرة | قسم الصور - مكتبة الصور - تقارير مصورة - احداث بالصور | غرائب وطرائف - صور غريبه - صور نادرة - مواقف مصورة | حروف Tv - يوتيوب حروف - فيديوهات حروف - ميديا حروف | قسم خلفيات الكمبيوتر - خلفيات شاشة - خلفيات متنوعة | برامج وشروحات الكمبيوتر | قسم البرامج المميزة - برامج كاملة - برامج مشروحة | قسم البرامج العام - برامج كمبيوتر - برامج مجانية | قسم اسئله واستفسارات ومشاكل البرامج - حروف سوفت | قسم العاب الكمبيوتر - الالعاب الكامة - تحميل العاب | قسم الالعاب | اخبار الكورة -ستاد حروف - ملعب جروف - كرة القدم | مالتى ميديا رياضية - سبورت ميديا - فيديوهات رياضية | قسم المواضيع العامة - قسم الاخبار العامة - حروف نيوز | تقارير واخبار الالعاب الحديثه - تقارير كامله مصورة | قسم الالعاب الاونلاين - كونكر- العاب الفيس بوك | أقسام الانمى - عالم الانمى | حلقات انمى - مسلسلات انمى كاملة - تحميل انمى | صور انمى - صور كارتون - صور شخصيات كرتونية | عالم التصميم - حروف ديزاين | دروس التصميم - دروس الفوتوشوب - شروحات الفوتوشوب | ادوات وملحقات المصمم - حقيبه المصممين - كنز المصمم | معرض التصاميم - حروف جاليرى - اعرض اعمالك لنا | القسم الإدارى - حروف سنتر | اعلانات اداريه - قرارات وتعيينات - فاعليات ومناسبات | قسم مساعدة وشروحات الاعضاء - طرق استخدام المنتدى | سلة المهملات - مواضيع غير منسقة - مواضيع منقولة | عالم الرياضة - حروف سبورت | عالم السيارات - سباقات السيارات - فورميلا ون | عالم الرياضات الاخرى [كرة سلة - تنس - كرة يد ...] | قسم كونكر - لعبه كونكر اونلاين - شروحات لعبة كونكر | الخيمة الرمضانية - رمضان 2012 - رمضان 1433 | عالم الديكور - ديكورات شقق - مفروشات - موبليات